Grupo a seguir xa

Soul, jazz, rock... e iso que se chamou bo gusto e pasar un bo intre.

_

Chámalle lo-fi

Juan Perro, joder, reedita esta versión de Luna de agosto. Minuto 1.35. Non me molesto nin en cortala.
_

Un movemento sísmico

O ceo eléctrico de agosto
golpea a túa voz
flor de milgrandas
                                   e chocolate
unha réplica
voas, amor, cando cantas.
_

Entre Fausto e Fenosa

A miña imaxinación é como os contratos coas compañías eléctricas, coa única diferenza de que se me paso non salta o automático, carbonízome. Palmo, pero tampouco teño que pagar máis. Éche o que ten a avaricia.
_

Anuncio por palabras

Ofrécese casa para entrar a roubar a lo menos un deshidratador de froitas, o típico agasallo familiar, dos que saben o que queremos e o que nos gusta. Máxima discreción. Acéptase taxidermista con gañas de experimentar.

Razón? Que é a versión 2.0 da maldita iogureira. Ademais, Wallapop está deixando sen curro a moita xente.
_